माछा, मासु तथा मिक्स अचार बनाउने चार दिने तालिमका सहभागीलाई आज प्रमाणपत्र वितरण गर्दै ललितपुर महानगरपालिका १४ नं. वडाका वडाअध्यक्ष अमृत जंग महत। वडा नं. १४ को आ.व. २०८१-०८२ को कार्यक्रम अन्तर्गत वडा स्तरीय महिला सञ्जालले उक्त तालिम कार्यक्रम आयोजना गरेको हो । प्रशिक्षक सानु शाक्यले तालिमका सहभागीलाई चार दिनसम्म प्रशिक्षण दिनु भएको हो । वडाअध्यक्ष महतले तालिममा सहभागीहरुलाई प्रमाणपत्र वितरण गर्नु भई व्यवसायिक बन्न सुझाव दिनु भएको छ । कार्यक्रममा तालिमका प्रशिक्षार्थीहरुले तयार पारेका अचार प्रमुख अतिथि, अतिथि तथा सहभागीलाई मायाको चिनो स्वरुप प्रदान गरिएको थियो ।